torsdag

No er ein komen trygt heim til jul, og her er julegardinene og røykelsen godt synleg. Godt som i julegodt. Julebrus. Julebrunebønner. Vi har fått oss jule32tommersflatskjerm og defaude med opptak sidan sist, alt etter at gamle-tven sovna stille inn med litt røyk til adjøss. Det er vel strengt tatt ei grense for kor lenge ein kan forvente at ein tv skal prestere. No er Hyrdenes tilbedelse i cd-spelaren, og ljosa er flammande fine. Pappa lagar prostens peppermyntedrops og skallar nasa i kjøkkenbenken. Arild er lagt på biblioteket (etter eige ønske) og det meste er fryd og gammen! Det kan bli jul atter en gang.