onsdag

I dag er det fransktalande folk på øyrene, rettare sagt ein amerikanar i høgre, og ei sytande franskinne i venstre. Kell'køskjåsé. Stod opp åtte, roleg morgon, så trening med Harald og Andreas. Deretter lunsj med Andreas. Så litt jobbing, deretter dukka mor plutseleg opp på kaffi. Så no er det på tide å lese litt igrunn. Eg har sjølvsagt ikkje sletta minnet om celebheights.com, og måtte sjekke Chandra Wilson (ho der lille dr. Bailey i Greysnatanimo). Til alle som lurte er ho faktisk 152cm på sokkelesten. Så vet vi det! Og til alle som vil få betre teknikk på sine løft (meg og Harald ja), så har eg vore så heldig å få snusen i ein opplæringsvideo av Jakob. Takk og bukk, over og sukk.

tirsdag

I dag var det først UIB's ypperste mumlefjomp og femiklump til å undervise i Mesopotamiens eldste historie, og deretter Mr. Skinnjakke 2007 til å fortelle om India. Og igrunnen, det var moro! Eg har byrja med morgonyoga no (erd'ikkerart?), og her får eg vite litt om både histen og pisten på skola etterpå, hendig samantreff eller iskald skjebne? Ikkje veit eg, men eg kan fortelle at det no, slik heilt offisielt, blir farleg å køyre i Bergen sentrum på laurdag, ettersom ein Volvo v40 og ein viss tilhengar skal frakte pakkenellikkar for to heile dagen. Eg gler meg! Lat ryggegudane vere i godt humør, dei burde jo vere tilhengar av slike foretak (vits). Dagens låt: Queen med Don't stop me now. I am having such a good time!

søndag

I dag fyller Mari og Marius år! Gratulerer så meget, og takk for frukost. Eg inviterte på ørret i dag og gjorde rommet om til ein liten restaurant. Eg syns det funka grådig fint:) Elles? Spør Jakob!

lørdag

I dag har eg lese om Hinduismen og dens mange irrgangar og snokvegar som det så fint stod i boka mi. Det er framleis snø ute og eg personleg meiner det er reint for gale at ein ikkje driv og akar rumpa både kald og blå. Jakob og Andreas har då tatt til vetet og reist til Voss for alpine gleder. Av anna nytt kan eg takke Eli, systa, for oppskrift på nøideleg brødbakst,eg baka i går, dog eg må sei at hennar versjon smakar enno betre. No skal eg slenge meg over hemmeleg viten om Mesopotamien og kva dei tenkte på i oldtida, men eg trur nok eg ikkje kjem til å ta snokvegen, kva no enn det måtte vere. I dag startar spalta Dagens artist, og sidan eg har Live at Blues Alley på øyrene er det vel berre naturleg å byrje med Eva Cassidy.

Dagens artist: Eva Cassidy
Født Eva Marie Cassidy den 2.februar 1963, i Washington, DC, der faren hennar lærte ho å spele gitar allereie i 9års alderen. I ungdomsåra vart ho med i det lokale bandet Stonehenge, og hausta godord over hennar talent. Som attenåring vart ho med i eit nytt band, Easy Street, som songar og gitarist. Men karriera tok ikkje av med dette, og ho måtte ha fleire småjobbar ved sidan av. Seinare skulle ho spele inn uforgløymelege låtar med Chris Biondo, Lenny Williams, Keith Grimes og Raice McCleod, i det sjølvlaga Eva Cassidy Band. I 1996 spelte ho inn live-albumet Live at Blues Alley som dei trygla vener og kjente om å kjøpe og spreie til folket. Eva sjølv var ikkje nøgd med albumet, og sprang sporenstriks til studioet for å gjere si første studioinnspeling. Samme året vart ho ramma av kreft som ganske snart spreidde seg i heile kroppen. Den 2.november i 1996 døde Eva Cassidy i Bowie i Maryland, 33 år gamal. I 1997 kom Eva by Heart ut, som vart møtt med stormande kritikkar. Først etter hennar død kan ein seie at ho vart kjend i den store verda, og har seinare solgt over fire millionar eksemplar. Samlealbumet Songbird som kom ut i 1998 gjekk til topps i Storbritannia først tre år etter. Dei kanskje mest spilte songane hennar er hennar tolkingar av Songbird og Sting's Fields of Gold.

fredag

"We've got to remember that many of the international rules in this whole area, particularly Kyoto, have been written by Europeans to suit Europeans with scant regard for the interests of countries such as Australia." John Howard, statsminister down under.

Kva er det med desse australiarane, hae?

torsdag

I dag har det skjedd så lite at eg trur eg berre skal sende vidare til andre stader:

1. Alt om hammeren og fysikken rundt denne praktreiskapen får du her.
2. Lydar (frå Jakob). Eg var spesielt glad i neggel-på-tavle-lyden, finn din favoritt!
3. Flott artikkel eg fann i ei avis under den eviglang toguren gjennom India -no på nett!
4. Firda glimtar til og kostar på seg ei godhending om ein kaktus.
5. Ei liste over av og til morosame lister finn du på Mcsweeneys.
6. Litt for den religionsvitenskaplege og god gammaldags druidebråk der altså.
7. På denne er det gode gammaldagse fornærmingar (teken før? pyttpytt).
8. Nytt om Tora kan ein få her.
9. Gå til denne og finn din favorittpingvin. Eg har.

Sidan alle gode ting er ni stoggar vi der. Adios, eg høyrer mykje på klassisk.

onsdag

Ohoi! Det er vakkert ute. I dag stod eg opp til trening, åt stor-lunsj med Harald, friska opp det om gnostikarane og gjekk så mot solsida med denne boka i sekken. Bhagavadgita er eit kjent visdomsverk i Hinduistisk tradisjon, og eg fekk faktisk lest ein del på benken i solsteika. Pensum, utendørspensum gjer susen, og på øyrene? -Klassisk, symfoni for fulle basunar! Så gjekk eg heim, laga middag, pakka den ned i sekken og møtte Arild. Frå psykfakultetet gjekk vi til Fløibanestasjonen og kjøpte to single billettar til det siste sollyset. Deretter akebakkane heimatt til middag og kaffi. Ein finfin dag med andre ord. Snøen er kvit og kald, litt som meg altså, berre at den er så mykje kjekkare å gå på (ordspel)! Dessuten er eg mett, og Studio 60 har endeleg funne vegen tilbake til datamaskina. Fryd, fryd, fryd og gammen. Sleep the clock around? Eg seier som austeriske kvinner -lets not.

Dagens sang (80-talet): Pointer Sisters - Jump

mandag

Det snør! Eg trur ikkje mine eigne auge. Det snør!

søndag

Den store festen var i går. Frå loft og til kjeller i VTG16. Eg hadde det så fint at eg rett gløymte vekk å legge ut i går. I dag skal eg gå av hengslene og poste fleire bilete, men aller først skal eg prøve å fortelle Pan's labyrint i korte trekk:

1. Spansk mannestemme introduserar (veldig pluss)
2. Lita jente har sjela til ei underverdensprinsesse
3. Fascistkaptein i skogen er den nye faren hennar
4. Ein faun fortel ho om tre oppgåver
5. Mora dør, fascistmannen og kumpaner ser ut til å sigre
6. Tables turn, og motstandsrørsla får overtaket
7. Jenta klarer oppgåvene, og blir prinsesse i underverdenen
8. Spansk mannestemme avsluttar (veldig pluss framleis)

Ca. Og så var det kjedeleg igrunn. Eg kvapp iblant, men filmen som skulle "skremme livet av sjølv ekte mannfolk" har berre bekrefta ein ting som vi allereie visste -eg er ikkje eit ekte mannfolk. Ellers har eg funne fram til Sergio Mendes igjen, og dagens vêr har vore formidabelt. Kaldt, klart, blå himmel.


Gårsdagens innlegg skulle eigentleg vorte besmykka med eit gullkorn frå Jakob, men det skadar vel ikkje å prøve seg på ny, dagens spalte Jakob vrenger hjernen -i dag;
"Vatn kan bli litt tørt viss du ikkje ska blande det me nåke...vått"
Ettersom eg også har brødre med snakketøyet i behold, vil eg gjerne sitere vidare, Harald til Arild;
"Det e urettferdig
-du får tisse, eg får lese."
Takk og bukk. Nikk og nei. Hatten på snei.

fredag

Stod opp relativt tidleg, og dro på trening. Der møtte vi (eg og jakob) Jens og Stian. Etter ei stund forsvant plutseleg Stian, og av grunnar som ikkje skal nevnast her, er han ikkje den som smilar breiast idag. Eg var svak som vanleg, og no er det på tide å lese litt. Salgsbidnissen går som det susar, så vi får håpe alt går unna før jul. Og verdt å nevne er ein telefonsamtale eg fekk ta del i igår:
(Nummeret som er grådig likt Harald sitt ringer på telefonen)
G: Hallo! Mr. Pantsypants! (høgt)
X: Hallo? (gammal)
G: Hei, Harald! (framleis høgt)
X: Hei, hvem er detta? (framleis gammal)
G: Å! Oi. Hei, har eg sendt deg noken meldinga i dag?
X: Ja. Hva?
G: Eg må ha fått feil nummer av bror min, du verda, eg beklager så mykje!
X: Hva? Greit det. Javel.
summ summ summ

Kor ofte startar ein med mr pantsypants på telefonen? Av alle ganga eg kunne sagt det. Fils gudd!

torsdag

Khan kan. Ikkje å snakke. Khan kan. Ellers ganske mykje. I dag fekk han meg til å løfte vaskemaskina i ei vond stilling i ellers lang tid. Men vi fekk ut ein femkroning og ein femtiøring og nokre hårstrikk. Nok ein gang er det blitt bevist at språkbarrierar er til for å brytast. Vittu, sitte. Sitte. Krone. Sitte. Nei. Du. Klype. Sitte. Heh. Sitte. Og som ein kan sjå har eg fått meg kritttavle. Ei velfungerande hugseliste!

onsdag

Ifølge sikre kjelder startar helga seint på torsdagen. Og sia ein har fri både onsdag og mandag så kan ein vel med ein viss tryggleik seie at kvar dag er ein fest. I alle fall onsdag. I dag har eg stått opp seinare enn åtte fordi eg ikkje sovna før to. Og så var det frukost, trening (du verda så svak!) og lunsj. Lang lunsj. No er det tid for å ta opp kjøtt frå frysen og finne fram godbøkene om det gamle Egypt! Boka Egypteren Sinhue har ein viss relevans i dette faget, og eg takkar tanteRandi for den. Om ein vil ha litt moro, kan ein klikke seg vidare her. Og om ein skulle lure på kven Ann Coulter skulle vere, så kan ein seie såpass at ho er ein konservativ politisk kommentator (USA) som "makes no pretense at being impartial or balanced" -som det heiter på fint. Og det blir kanskje sydentur til sommaren. Ein får vel berre bli godven med mittklima i mellomtida (som ein flittig observatør kanskje har merka seg, har eg akkurat sett at ein kan drive å lage flotte linkar veldig lett, velkommen til 2007).

tirsdag

Då er det tirsdag og første dag meg leksjoner. Etterpå var det god lunsj og ein storebror som skulle ha bukse. I sentrum passerte vi to karar, hvis den eine sa ordet memorandum. Og det var jo fint. Eg har også fått meg mugge. Til vatn. Smil.

mandag

Då har eg vore hos frisyre-dama og der var det jammen meg ordnings. Velkommen, sitt ned og heng tå deg jakka. Her er nokre blad (Mann og 4-4-2) og så kjem eg straks tebarrs. Og vips, her skal du sjå, la oss vaske håret littepitt så blir det så fint altså. Sitte du greit? Greit, då kan du slå deg til her borte så kjem klippedama om få strakser. Her har du nokre blad att (Mann, 4-4-2, D!, Se&Hør). Kunne du tenke deg noke å drikke i mellomtida? Ein kopp kaffi eller? Ikkje det? Sjå der ja, der kjem klippings. Og vips så var det over. Og eg er salskonge på foto.no. Trur eg.

søndag

Det er lyst ute. Litt blå himmel. Eg sovna seint i går og no skal eg ete frukost. Det er allereie langt på dag. Men eg har fått krittavle! Allereie nevnt? Vel, eg har fått bilete òg. Sports night var ikkje så bra, men eg skal då sjå endå ein episode nu!

lørdag

I dag har eg vore på IKEA med Ingrid og Ingvild og vi fekk oss mykje fint. Sjempel en sånn kritt-sak. Tavle! Kjempis:) Og no skal eg på posten. Sia vi tøideligvis drive å stjele bilete og drive å linka vidare til brødre for tida, så vil eg gjerne ta eit lite utsnitt av rapporten om dei lukkelege nordmenna til Arild: "Men det kan også tenkes at personer som er lykkelige, er mer tiltrekkende som partnere og derfor oftere lever i et parforhold." -Då er det vel ingen sak, er det?

I spalta ny mat under lupa kom eg over denne varianten:

FRIED COKE:
How does one fry a liquid? I was never able to find out—the teenager manning the pink-and-white-striped trailer at the state fair told me it was "top secret." I couldn't even sneak around to the side window to peek in, because he pulled mine out of the display case, where it had been sitting for an indeterminate period of time. My girlfriend read an article about a man in Texas who fries Coke by mixing the soda with batter and frying strips of it, creating a Coke-infused fried dough. Arizona Fried Coke is more like a corn dog where the dog has gone bad to the point of turning sweet and plasmatic. My assumption is that they freeze the Coke before frying it. My first, and last, bite resulted in long, sticky strings of syrup trailing down my face. And it made my teeth hurt.

torsdag

Harald har lydkabelen og høyrer på musikk med gitar og spinkle britiske mannestemmer. Eg har ommøblert stova i dag igjen. Det er jammen stygt ute! Lesepese. Eg er snart ferdig med xanadu-boka mi. No skal vi sjå film. Og vi har bil til bergen! Jihoo!

onsdag

Ol i Tromsø i 2018! Jee! Medan mr. eldstebror dvelar over det evige dilemmaet over kva tangentrekke han skal velge: Keystation 49 -er det stort nok? Må han opp i ein 61-tangenters? I mellomtida har eg og mr. storebror reist til Os og både laga guacamole og ommøblert stova. Sia det ikkje er så mykje anna å gjere her, har eg tenkt å skrible ned nokre musikk som burde vere rimeleg lettvint på piano.

1. Alle julesangar.
2. Lisa gikk til skolen
3. Den der big big girl in a big big world sangen
4. Noko coldplay?

Eg må innrømme at eg ikkje klarte å lage ei god liste her, men han morro-mannen med norsken er på tv, og eg òg vil sjå på!

tirsdag

Orienteringsmøte i dag, men aller først møte pappa på bussen og plukke opp:
1 par tøfler
2 nike-tasker
3 brev

I dag fekk eg fryktelig lyst til å hente litt tekst frå Marco Polo. Her er han på reise til Kina og stoppar ved oasen Hami langs ørkenen Taklamakan (på bokmål):

"De er svært glade i livets mer bahagelige sider, for de gjør ikke annet enn å spille på intrumenter, synge, danse og forlyste seg. Og jeg kan fortelle at når en fremmed kommer for å spørre om husrom, blir husets herre overlykkelig; han befaler sin kone å gjøre alt som måtte behage den fremmede. Så forlater han sitt hus og kommer ikke tilbake før den fremmede har reist, slik at denne i mellomtiden kan forlyste seg med vertens kone så mye han måtte ønske. Kvinnene på disse kanter er vakre og livlige og alltid villige til å adlyde. Og verten selv kjenner ingen skam; han betrakter det som en stor ære. Slik lar alle menn seg gjøre til hanreier i denne provinsen"

mandag

Eg trudde eg skulle begynne på detnye året i dag, så eg stod opp og åt frukost og var igrunn ganske tidleg ute. Ca 24 tima for tidlig ute. Det var jo i morgon. Såklart. Men nu skal eg gå på tjopping, og har akkurat vaska heile sullamitten her. Mm, det lukter sitron!
Dagens sang: A place aside
Dagens klipp frå Mcsweeneys opne brev, her er eit av dei:

AN OPEN LETTER TO EVERYONE WHO, WHEN APPROACHING THE DOOR TO THE OFFICE SUITE WHERE I AM THE RECEPTIONIST, TURNS THE HANDLE DOWN, THEN PUSHES THE DOOR IN, THEREBY CAUSING A LOUD OBNOXIOUS BANGING SOUND, LOOKS UP AT ME WITH FEAR AND FRUSTRATION IN THEIR EYES, TURNS THE HANDLE UP TH8S TIME, BUT STILL PUSHES THE DOOR IN, CAUSING THAT SAME OBNOXIOUS BANGING SOUND, GIVING ME THE SAME TERRIFIED LOOK, THEN RINGS THE DOORBELL, WHICH IS EVEN LOUDER AND MORE PIERCING, THEN STANDS THERE, PETRIFIED, ANGRY AT MY INCOMPETENCE TO UNLOCK THE DOOR WITH THE REMOTE-CONTROL DEVICE.
To you people,

Pull.

søndag

No er det på tide at både den tette nasa og det lukne veret tar seg ei pause. Skal vi aldri få sjå kvite bakkar og istappar under hustaket? Aldri igjen? Og tru ikkje at det berre er slik her i Bergen, rapportane kjem frå heile verda. Denne frå New York:

Dear Mr. Old Man Winter,

Please consider this letter notice of your termination, effective immediately. Despite clear expectations and requirements -- January temperatures not to exceed 40° F, consistent snow and blustery conditions, minimum of one blizzard with white-out per annum, &c. &c. -- you have failed to date to meet expectations and deliver even rudimentary winter weather. A forecast high of 72° today in New York City is clear proof of your failure to do your job.

A replacement will be appointed immediately. Perhaps we will try a young go-getter for this role, someone who is willing to take on the many weather challenges of this magnificent season rather than rest on his "Great Winter of '02-'03" laurels.

Yours truly,
Mother Nature

laurdag

Så er det helg igjen! Eg har fått kunst og snue, så eg ligge å lese veien til xanadu medan det er opplett ute for første gang på ca en evighet. Kom over nokre artige fornærmelsar:

"I am enclosing two tickets to the first night of my new play, bring a friend... if you have one."
George Bernard Shaw til Winston Churchill

"Cannot possibly attend first night, will attend second...if there is one."
Winston Churchill, til svar.

onsdag

Er hos andreas. Leitar etter jobb. Forelaupig: barnehage og kino. Orda som er populære er utan erfaring. Velkommen. Meg.

tirsdag

I dag blir det bil til Bergen og greier. Kven hadde trudd? Ingrid, Linn, Dreas og meg, i ein liten, fin polo pakka til pu.., ja du veit. Full. No er det berre å vente til dreas står opp så ein kan få seg noko mat:)

godt nyttår!

Då er det mandag og blanke ark. Eg har ingen fargestiftar, men vi er då berre nokre timar gamle. I går var det raketta i både hue å rævva, og alle var så glad for det. I dag skal eg få ete middag med familen torsets, ribbe à la austlandet, og det gledar eg meg då til. Og om du ikkje skulle vere sikker, jo, det regnar. Mykje. La året komme.